ಕೆ.ಎಸ್.ಎಸ್.ಐ.ಡಿ ಸಿ ಗೆ ಬಗ್ಗೆ

ಸ್ವತಂತ್ರನಂತರ ಸಣ್ಣ ಕೈಗಾರಿಕೋದ್ಯಮದ ಬೆಳವಣಿಗೆ ನಮ್ಮ ದೇಶದ ಯೋಜನಾಕ್ರಮವಾಗಿ ಬೆಳೆದು ಆರ್ಥಿಕ ಅಭಿವೃದ್ಧಿಗೆ ಹಿಡಿದ ಕನ್ನಡಿ. ಸ್ವತಂತ್ರ ಪೂರ್ವದಲ್ಲಿ 'ಸಣ್ಣ ಕೈಗಾರಿಕೋದ್ಯಮ' ಎಂಬ ಮಾತೇ ವಾಡಿಕೆಯಲ್ಲಿರಲಿಲ್ಲ. ಗ್ರಾಮಗಳಲ್ಲಿ ಹಾಗು ಸಣ್ಣ ಮನೆಯಲ್ಲಿ ಸಾಗುತ್ತಿದ್ದ ಉದ್ಯಮವೇ ಕ್ಷೇತ್ರವಾಗಿ ನಮ್ಮ ದೇಶದ ಉದ್ದಗಲಕ್ಕೂ ವ್ಯಾಪಿಸಿತ್ತು. ವಿವಿಧ ಕಾರ್ಯಕ್ರಮಗಳ ಅಡಿಯಲ್ಲಿ ಈ ಉದ್ಯಮಗಳು ಮುಂದವರೆಸುವುದರ ಜೊತೆಗೆ, ಅಭಿವ್ಧಿಸಿ ಆಧುನಿಕರಣಗೊಳಿಸಲು ಸ್ವಾತಂತ್ರ ಪಡೆದ ತಕ್ಷಣವೇ ಕಾರ್ಯಗತಗೊಳಿಸಲಾಯಿತು. ಈ ಕಾರ್ಯಕ್ರಮಗಳ ಫಲವಾಗಿಯೇ ಇಂದಿನ ಸಣ್ಣಕೈಗಾರಿಕೋದ್ಯಮ ಹುಟ್ಟಿಕೊಂಡಿದ್ದು. ಸಣ್ಣ ಕೈಗಾರಿಕೋದ್ಯಮವು ಮಧ್ಯಮ ವರ್ಗದ ವಿದ್ಯಾವಂತರಿಗೆ ಹಾಗು ಅನುಭವಸ್ಥ ತಂತ್ರಜ್ಞರಿಗೆ ಸ್ವ-ಉದ್ಯೋಗ ದೊರಕಿಸಿಕೊಟ್ಟಿತಲ್ಲದೆ, ಇದು ದೊಡ್ಡ ಮಟ್ಟದಲ್ಲಿ ಬಂಡವಾಳ ಹೂಡುವ ಉದ್ಯಮವಾಗಿ ಮಾರ್ಪಟ್ಟಿದೆ. ಇಂದಿನ ನಮ್ಮ ಸಮಾಜದ ಆರ್ಥಿಕ ವ್ಯವಸ್ಥೆ ಸಮತೋಲನತೆಯಿಂದ ಬಾಳಲು ಒಂದು ಶಕ್ತಿಶಾಲಿ ಉಪಕರಣವಾಗಿದೆ. ಈ ಸಾಧನೆಗೆ ಮೂಲ ಕಾರಣ ಉತ್ಸಾಹದ ಬಂಡವಾಳ ಹೂಡುವ ಮೂಲಕ ಪ್ರೇರಕ ಶಕ್ತಿ ಯಾದ ಈ ಸಣ್ಣ ಕೈಗಾರಿಕೋದ್ಯಮಿಗಳು.